Вольга Зазулінская

Нарадзілася ў раённым горадзе Беларусі. Пасля школы пераехала ў Мінск, дзе вучылася і працавала. Па прафесіі бухгалтарка, мае таксама гандлёвую адукацыю. Працавала бухгалтаркай на аўтсорсінгу і займалася прадпрымальніцкай дзейнасцю.

Больш за 10 гадоў займаецца дабрачыннай і валанцёрскай дзейнасцю.

У студзені 2021 года далучылася да фонду «Краіна для жыцця», створанага ў кастрычніку 2020 года ў адказ на маштабныя рэпрэсіі ў Беларусі. Прыйшла як копірайтарка, з лютага 2021 — каардынатарка напрамку дапамогі палітвязням. У кастрычніку 2022 года ўзначаліла фонд.

Рэалізаваныя праграмы: матэрыяльная падтрымка сем'яў палітвязняў, кампенсацыя выдаткаў на лекі, выплаты ў сувязі з нараджэннем дзіцяці ці стратай блізкага, псіхалагічная дапамога, юрыдычныя і міграцыйныя кансультацыі, праграмы летняга адпачынку для дзяцей палітвязняў, адкрыццё двух шэлтараў для беларусаў у Вільні.

З кастрычніка 2024 года ў АПК працуе над напрамкамі сацыяльнай палітыкі: падтрымка ўразлівых груп, ахова здароўя, міграцыйная дапамога, падтрымка палітвязняў, праграмы сацыяльнай і гуманітарнай падтрымкі былых і дзеючых добраахвотнікаў.

Абарона ўразлівых груп беларусаў, падтрымка палітвязняў і развіццё праграм дапамогі людзям, пацярпелым ад рэпрэсій, уключаючы былых і дзеючых добраахвотнікаў.

Маці дваіх дзяцей.